Kristniboðssambandið heldur sérstaka fagnaðarsamkomu miðvikudaginn, 28. maí nk., kl. 20 í Grensáskirkju. Tilefnið er að samgleðjast Jóhannesi Ólafssyni kristniboðslækni, sem var sæmdur stórriddarakrossi Noregskonungs í mars sl.
Einnig verður starf kristniboðsins kynnt á samkomunni, sérstaklega á sviði heilbrigðisþjónustu í Suður-Eþíópíu, á liðnum 60 árum.
Dagskrá:
- Gunnar Hamnøy kynnir heiðursviðurkenninguna og flytur hugvekju.
- Birna Gerður Jónsdóttir fjallar um heilbrigðisþjónustu í Suður-Eþíópíu fyrr og nú.
- Jóhannes Ólafsson flytur kristniboðsvinum kveðju.
- Margrét Hróbjartsdóttir, hjúkrunarfræðingur og kristniboði flytur kveðju frá Kristilegu félagi heilbrigðisstétta.
- Frú Vigdís Finnbogadóttir færir Jóhannesi hamingjuóskir.
- Herra Karl Sigurbjörnsson flytur ávarp um kærleiksþjónustu kirkjunnar og kristniboðsins í Eþíópíu.
Tónlist og söngur verður í höndum Bjarna Gunnarssonar, Helgu Vilborgar Sigurjónsdóttur og Svövu Bernharðsdóttur.
Allir eru hjartanlega velkomnir á samkomuna.
Sjá nánar á heimasíðu Kristniboðssambandsins.
